PROOEMIUM.

Occasione quorumdam librorum., apud quos non est radix scientiae, qui cum sint verae sapientiae inimici, hoc est, Domini nostri Jesu Christi, qui est imago Patris et

sapientia, per quem fecit haec saecula, Catholicae fidei amatoribus merito sunt suspecti, placuit aliquibus magnis viris, ut libros quosdam alios et fortassis innoxios accusarent. Quoniam plures ante dictorum librorum necromanticam palliant, professionem astronomiae mentientes, libros nobiles de eadem faedari fecerunt apud bonos, et graves et abominabiles reddiderunt. Quare quidam vir zelator fidei et philosophiae, utroque scilicet in ordine suum applicuit animum, ut faceret commemorationem utrorumque librorum, exponens numerum, titulos, initia, et continentius singulorum in generali, et qui fuerint eorumdem Auctores, ut scilicet liciti ab illicitis separentur, et aggressus est ut diceret nutu Dei.