9. In Dominicis Adventus.

la. Exsurgamus cum sit hora,
Lucet enim jam aurora
Veri solis praevia,

1b. Cedit umbra prophetalis,
Terminatur vox regalis
Succedente gratia.

2 a. Excitentur dormientes
Et propinquum sentientes
Lumen verum gaudeant,

2 b. Dissolvatur nox peccati,

Ut instantem verbi nati

Diem omnes videant.

3 a. Ecce venit rex virtutis,
Ut antiquae servitutis
Gravem tollat sarcinam,

3 b. Ut dissolvat jugum vetus,
Ecce venit ut mansuetus
Deus super asinam.

4 a. Nunc fideles currant chori
Et occurrant salvatori,
Adest enim cominus:

4b. Eamos, vestes sternant ei
Et clamantes ut Hebraei:
Benedictus Dominus.

5 a. Jam venisse praedicatur
Et venturus exspectatur
In die novissima:

5 b. Nos venturum deprecemur,
Ne pro malis judicemur
Digni morte pessima.