92. De Visitatione BMV.

la. In concordi melodia,
Cordis, oris symphonia
Jubiletur voce pia
Dei miseratio.

1b. Oda laudis, acta pia

Hinc procedant cum sophia,
Veneretur et Maria
Dia cum solatio.

2 a. Hac in die plebs laetetur,
Mentis piae laus donetur
Et Mariae comitetur
Pia visitatio.

2 b. Approbata virgo pura
Salutata fit secura,
Quod affata mente pura
Vatum esse natio.

3 a. Non tumescit sed stupescit,
Quia pia virum nescit,
Tam praeclara quam ignara,
Quomodo concipiat.

3 b. Novit flamen et spiramen
Sanctum tantum, intrat tamen
Hinc praeclara virgo gnara
Feta fit ut pariat.

4a. En quam pia, quam benigna
Fuit ista mater digna,
Sumens verba, noscens signa,
Visitans Elisabeth.

4b. Surgens abit in montana
Non vestigia per plana
Sed transcendens fide sana
Festinanter ipsamet.

5 a. Salutavit seniorem

Junior, major minorem,
Plasma novit plasmatorem
Et ancilla dominam.

5 b. Consecravit nondum natum
Jam conceptus consecratum,
Novit mater exaltatum
Seque donat comicam [sic].

6 a. O Maria, stella maris,
Quae perpia solem paris,
Nos in viae salutaris
Portas duc trans maria.

6 b. Visita nos pietate,
Solida nos caritate,
Conforta nos bonitate
Tui morum, Maria.

7 a. Tu nos audi supplicantes,
Tuae laudi nunc adstantes,
Ut a sorde nos mundando
Teque corde visitando
Jugis sit memoria.

7 b. Ora Deum, jube nato,
Solvet reum de peccato.
Ut hac vita terminata
Sit petita nobis data
Sempiterna gloria.