390. De sancto Privato.

la. Justus noster

ut palma floruit,
Flos in fructum

formari meruit,
Flos in cursu,

fructus in bravio,
Spes in aestu,

res in denario.

1b. Hostis culpae,

cultor justitiae,
Hostis mundi,

concivis gloriae
Tulit pondus

et aestum vincae.
Viae cursum,

trituram areae.

2 a. O beatum pontificem

Suis exemplar subditis,

2 b. Qui praesulatus apicem

Summis honorat meritis.

3 a. Vectis in arca foederis,
Basis in tabernaculo,

3 b. Perfecti lignum operis
In Salomonis ferculo.

4 a. In navi Petri navita,

Tentos et undas pertulit,

4b. Pro plebe sibi credita

Lupo se pastor obtulit.

5 a. Dum tenetur grex obsessus,
Invenitur pastor gregis,

5 b. Regem suum qui professus,
Sonat laudes sui regis.

6 a. De rupe vico proxima
Vir beatus educitur,

6 b. O quam fidelis anima,

Quae nulla sorte frangitur.

7 a. Furit tortor in Privatum,
Poenis urget prece rogat,

7 b. Ut subjectos per praelatum
Servitutem ferre cogat.

8 a. Negat hoc posse fieri
Fidelis pastor ovium,

8 b. Ut Christi Jesu liberi
Servi sint infidelium.

9 a. Clamant agresti rabie
Cultores immunditiae:

9 b. Adora, senex, idola
Et ad oratum immola.

10 a. Verbis admiscent verbera
Persecutores barbari,

10 b. Blanda transit et aspera
Privatus mente hilari.

11a. Martyr perseverantiae

Ritus immundos abdicat,

11b. Gedeonis in acie

Inter regendos dimicat.

12 a. Mente certat immobili,

Tuba salutis praedicat,

12 b. Confracto vase fictili

Lucerna vasis emicat.

13 a, Vincit hostes vir invictus,
Vincit plagas, vincit ictus,
O quam felix hic conflictus,
Ubi vincit veritas.

13 b. De Privato tuo gaude

Laudans virum dignum laude
Et in laude ejus plaude,
Mimatensis civitas.

14a. O Private, pastor bone,
Pater plebis et patrone,
Regno Christi nos impone,
Quod humana ratione
Fugit a scientia.

14 b. Jesu Christe, rex Privati,
Jesu, regni rex beati,
Nos adscribe civitati,
Cujus cives sunt fundati
Pacis in concordia.