110. De beata Maria V.

la. Ave, gloriosa

Virginum regina,
Vitis generosa,
Vitae medicina,
Clementiae resina.

1b. Ave, copiosa

Gratiae piscina,
Carnis maculosa
Munda nos sentina.
Munditiae cortina.

2 a. Claritate radiosa
Stella matutina,
Brevitate legis glosa,
Per te lex divina
Irradiat doctrina.

2 b. Venustate vernans rosa
Sine culpae spina,
Caritate viscerosa,
Aurem huc inclina,
Nos serves a ruina.

3 a. Cedrus pudicitiae,

Cypressus puritatis,
Myrrha poenitentiae,
Oliva pietatis,
Tu myrthus lenitatis.

3 b. Vitis abundantiae,

Tu palmes honestatis.
Palma patientiae,
Tu nardus caritatis,
Fons hortus voluptatis.

4 a. Stilla roris, odor floris,
Vernae novitatis,
Fons dulcoris, vas decoris,
Templum trinitatis,
Compages unitatis.

4 b. Stellae decor, placans aequor,
Portus salutaris,
Dulcem precor, ducem sequor,
Parens expers paris,
Maria, stella maris.

5 a. O Maria, mater pia,
Sinus poenitentium,
Debilium praesidium,
Columna firmitatis,
Alumna sanctitatis.

5 b. O Maria, laude digna,

Jubilus lactantium,

Flebilium solatium,

Medela sanitatis,

Tutela libertatis.

6a. Tu foederis oraculum,

Characteris signaculum,
Itineris vehiculum,
Tu limes aequitatis,
Tu lumen caritatis.

6 b. Tu pauperis umbraculum,
Tu miseris latibulum,
Tu sceleris piaculum,
Tu iumen claritatis,
Tu lima pravitatis.

7a. Tu thronus Salomonis,
Praelata coeli thronis,
Tu vellus Gedeonis,
Tu rubus visionis.

7 b. Tu thalamus pudoris,
Tu balsamus odoris,
Tu libanus candoris,
Tu clibanus ardoris.

8 a. Tu medium discordium,
Connubium amoris,
Humilium refugium,
Remedium languoris,

8 b. Consilium errantium,
Auxilium laboris,
Compendium currentium,.
Stipendium victoris.

9 a. Munditiae tu speculum,
Tu gloriae spectaculum,
Per gratiae miraculum
Es mater salvatoris,
Origo conditoris

9 b. Justitiae geraculum,
Laetitiae lyraculum,
Per spiritus spiraculum
Es cella creatoris,
Puella plasmatoris.

10 a. Ave, speciosa,

Rutilans aurora,
Nubes pluviosa,
Coelitus irrora,
Cor aridum dulcora.

10 b. Ave, gratiosa,

Gratiam implora,
Prece pretiosa
Filium exora,
Adesto mortis hora.

III. De beata Maria V.

la. Ave mater Christi pia,
Orphanorum spes et via
Salutis ad tramitem,

1b. In te relucet sophia
Salomonis, verae quia
Vitae pandit formitem.

2 a. Tu gemmarum gemma pura,
Tu flos florum, tu figura
Deitatis mystica,

2 b. Castitatis es exemplum,
Deitatis vere templum,
Cedat ars sophistica.

8 a. Tu lucerna mundi lucens,
Umbram mortis tu seducens,
Reddens lumen luminum,

3 b. Tu regina supernorum,
Imperatrix inferorum,
Gignis numen numinum.

4 a. Ergo, mater, tanta laude
Meritorum digna, gaude
Gaudio laetitiae,

4b. Desolatis propinare
Consolamen tu dignare
Post luctum tristitiae.

5 a. Naufragabis mundi stella,
Pia pium interpella,
Ut sit memor nominis,

5 b. Quem de limo terrae fecit
Et in lapsu vi refecit
Sui sancti nominis.

6 a. Vacillando perit mundus,
Quem seductor tremebundus
Irretitum jugulat,

6 b. Et seducens fraudulenter,
Docens irritat licenter,
Poenas poenis cumulat.

7 a. Haec miserta vide, pura
Christi mater, et procura,
Ne praedatur misera

7 b. Tui nati plasmatura,
Et leonis os obtura
Mergentis in infera.

8 a. Per te sacrosanctas sanguis
Lavet, quod immundus anguis
Maculavit zemate,

8 b. Caro mundet et mundatos
Duc nos inter approbatos,
Tuo riga dogmate.

9 a. O Maria, tuae laudi
Decantantes nos exaudi
Commendans memoriae,

9 b. Nos a culpis expiare,
Expiatos recreare
Spe perennis gloriae.