178. De sancto Audomaro.

la. Praesulis Audomari
Triumphos venerari
Studeat ecclesia,

1b. Veneremur hodie,
Cujus nos quotidie
Fovent patrocinia.

2 a. Memor evangelii
Spe centeni praemii
Omnia deseruit,

2 b. Mundi spretis omnibus.
Relictis parentibus
Soli Deo studuit.

3 a. Pluribus miraculis
Vita tanti praesulis
Refulsit per saecula,

3b. Velut gemma splenduit,

Per quem primo claruit

Nobis Christi regula.

4 a. Dies nunc recolitur,
Qua sanctus reducitur
A custode venditus,

4 b. Non permisit Dominus
Adimpleri facinus
Mutando divinitus.

5 a. Fera stupent agmina,
Nil valent conamina,
Deserunt immobilem,

5 b. Abbas fugit territus,
Sanctus suis redditus
Exhibet se mobilem.

6 a. Via nequit capere
Tot volentes cernere
Domini magnalia ;

6 b. Seges sparsim vellitur,
Quae statim erigitur
Patroni praesentia.

7 a. Mutatur elementum,

Dum vestes transcurrentum
Non madent ex flumine:

7 b. Rediit cum honore
Punito venditore

Pro commisso crimine.

8 a. Dies redit annua,
Qua privatur vidua
Sinistro officio,

8 b. Festum non reveriti
Contrahuntur digiti.
Palmae fixi medio.

9 a. Sed placato praesule
Prece, planctu vetulae
Salus datur pristina;

9 b. Per quem Dei filias
Nobis sit propitius
Nostra delens crimina.