174. De sancto Apollinare.

la. Plaude plausu laetabundo
Voce clara, corde mundo,
Civitas Valentia,

1b. Quae congaudes et laetaris
Praesulis Apollinaris
Felici praesentia.

2 a. Hic Viennae civis ortus
Salutaris datur portus
Civibus Valentiae,

2b. Verbi lator et virtutis
Viam pacis et salutis
Palam fecit patriae.

3 a. Praeceps ira furibundum
Reddit regem Sigismundum
Contra Christum Domini,

3 b. Fugit praesul ope venti,
Portum praebent fugienti
Sardae ripae termini.

4 a. Aestum solis per admotum
Flumen calens negat potum,
Sancto tamen datur votum
Hausto fonte sarculo.

4b. Regi febris in angore
Subvenitur ab uxore,
Nam fit liber a dolore
Cucullae miraculo.

5 a. Arelaten venienti

Fit adversa vis fluenti,
Viro Dei parent venti
Tranquillatur fluvius.

5 b. Daemon tristis et invitus
Dat clamores et invitus
Ab obsesso fugit citus,
Curatur Almiphius.

6 a. Os ad sacra deputatum
Est incaute conservatum,
Quod minister occultatum
In arena reperit.

6b. Quidam surdus atque mutus
Est saluti restitutus
Donum Dei consecutus,
Cui nihil deperit.

7 a. Daemon ductus arte vana
Veste ludit sub humana,
Dum percussit fraus profana
In maxillam praesulis.

7 b. Stupet lecto se teneri
Neque posse removeri,
Tandem gaudet hostem teri
Ruptis eius vinculis.

8 a. Celsitudo columnarum
Manifestat decus clarum
Praeroganduin praesuli,

8 b. Visum lumen in columnis
Admiratur sensus omnis
Et censura populi.

9 a. Ergo, pater et patrone,
Pie praesul, pastor boue,
Lucerna fidelium.

9 b. Tu tuere tuum gregem

Orans Christum Deum regem
Pro -delictis ovium.

10 a. Tolle pestes, seda rixas,
Fovens mentes in te fixas,
Consolare populum,

10 b. Creatorem Deum ora,

Ut nos servet in bac hora
Et per omne saeculum.