301. De sancto Lamberto.

1. Almae festa
lucis gaudia,

2 a. O dilectores Christi,
concinite
laude quam debita

2 b. Ejus colentes sacra
vatis et martyris
Lamberti merita.

3 a. Trajecticus
gaudet et vicus
tali incola,

3 b. Progenito
civium nobili
ex prosapia.

4 a. Hic patriae

pontifex futurus,
Dei gratia
provisus, florens
puer indole bona;

4 b. Est traditus
beati praesulis
Theodoardi
regulis diva
ad discendum dogmata.

5 a. Hic Hilderici
(regis) a fascibus
clarus in aula,

5 b. Est praesulari
electura
auctus infula.

6 a. Dignitatem post assumptam
patribus aequavit
sese priscis
sanctimonia,

6 b. Promulgando ore pio
gregibus commissis
vivi verbi
testimonia.

7 a. Stratos levavit
elatosque stravit,
inter divites
pollens gloria,

7 b. Mitis ovili
alternatim miti,
aeque omnibus
factus omnia.

8 a. Is, hoste

sanctissimis moribus
invidente, propria
depositus cathedra,

8b. Consueta

monastica diligens,
inviserat electa
Staboleti moenia.

9 a. Sic serviens curriculis
annorum septenis
jussibus paternis,
degebat vita coelica.

9 b. Post quos sedis redonatus
honore signorum
claruit decore,
virtutum plenus copia.

10 a. Exinde Dodonis
rabie telo fixus
reddidit flatum bina
dotatum palma.

10 b. Ipsius obtentu

nos, Christe, te rogamus,
regni sede perenni
loces peralta.