10. De Adventu DN.

la. Alta coeli sunt curvata,
Ima terrae sublimata
Super orbis cardinem,

1b. Adae lapsus reparatur,
Evae pudor expiatur
Per Mariam virginem.

2 a. Nazareth stat sub clausura,
Cui cedunt cuncta jura
Triumphantis curiae;

2 b. Gabriel dum ait Ave,
Ejus intrat in conclave
Rex aeternae gloriae.

3 a. Infinitum terminatur,

Verbum simplex copulatur
In adolescentula,

3 b. Stupet omnis creatura,

Silent omnis artis jura

In hac verbi copula.

4 a. Dum fit verbum substantivum
Accidentis susceptivum,
Duplatur simplicitas ;

4 b. In diversum idem cedit,
Dum ab uno non recedit,
Alteratur unitas.

5 a. Peregnnat a natura,

Dum in Dei transit jura,
Hominis conditio:

5 b. Quae sint vincla, quae junctura,
Deum jungens cum factura,
Nulla novit ratio.

6 a. In humana et divina

Cum sit haec natura bina,
Unum est suppositum;

6 b. Plenitudo fit inanis,
Sitit mare, famet panis
Nec datur oppositum.

7 a. Judex reo est unitus,
Homo Deo et conjunctus
Est in hac hvpostasi;

7 b. Hic est dives et egenus,
Dum hic homo fit, quod Deus,
Ponitur in exstasi.

8 a. Solis lumen nube tectum
Nostrae nubis fit objectum
Nec hebet in lumine ;

8 b. Indefectum dat effectum,
Nostrum vergat ad profectum
Sol ortus de virgine.