11. In Nativitate DN.

la. Exsultemus hodie

Ad praeclara gaudia

1b. Nec odas laetitiae
Deleat tristitia.

2 a. Nam Christus apparuit,
Quem Maria genuit
Et puella.

2b. Virgo prolem edidit
Nec pudorem perdidit,
Ecce stella.

3 a. Quae descendit

ab Eoo cardine,
Geniti de virgine
Fit praesaga.

3 b. Cujus satis

claro rutilamine
Renitet ex ordine
Bethlem plaga.

4 a. Ad custodes gregum fuit
et cantus symphonia,

4 b. Coeli cives canunt Deo
in excelsis gloria.

5 a. Stella magos invitavit,
quae non luxit antea,

5 b. Hinc pastores, hinc et magi
currant ad praesepia.

6 a. Adoremus regem natum
In praesepi collocatum
Sed cingentem omnia,

6 b. Demus myrrham,thus et aurum,
Illum personemus trinum,
Unum in essentia.

7. Cui sit laus et gloria
In supernorum curia.