13. In Nativitate DN.

la. Mater Dei novo more
Fecundata sacro rore
Castitatis salvo flore
Profert numen,

1b. Ut a lecto sol aurorae
Surgit mane cum nitore,
Sic ab alvo puriore
Verum lumen.

2 a. Mater mirae castitatis,
Consolamen desolatis,
Nato summae pietatis
Nos respexit.

2 b. Alvum subit castitatis-
Sacruui flamen deitatis
Et in claustro puritatis
Requiescit.

3 a. Pater summus meliorem
Praeelegit in amorem
Castitatis et honroem
Conservavit,

3b. Virgo parit novum florem,
Tam suavem dat odorem,
Per quem lapsos in dolorem,
Confortavit.

4 a. Verbum patris humanatur
Et in matre reclinatur,
Mundum praesens consolatur
Incarnata deitas.

4b. Joseph justus admiratur,
Quod sic mater impraegnatur,
Quod intacta reseratur
Et parit virginitas.

5 a. Venter matris tam dilectus
Est a Deo praeelectus,
Talis illi placet lectus,
Quo nullus suavior.

5 b. Per hunc Satan est ejectus,
Sic florescit ordo rectus,
Salus datur et profectus.
Homo fit liberior.

6 a. Vas insigne, vas probatum,
Templum Deo dedicatum,
In quo Deus clausit natum,
Sicut docet litera.

6 b. Templum intus adornatum
Talem habet principatum.
Quod non fuit violatum
Et parit, puerpera.

7 a. Jesu, fructus summi patris,
Pia prece piae matris
Ne permittas nos cum atris
Damnari daemonibus.

7 b. Sed extremo fine vitae
Nos in Eden tuam mitte,
Ubi pax est sine lite
Cum sanctis fidelibus.

8. Bona mater, pia, mitis,
Novus hortus novae vitis.
Nos ab antro trahe Ditis,
Portum nobis da salutis
In coelesti curia.