14. In Nativitate DN.

la. Aulam intrat virginis

Verbum patris coelitus
Ut salutem hominis
Restauret divinitus.

1b. Nutu patris mittitur
Ab arce siderea,
Claudens cuncta clauditur
Carne sub virginea.

2 a. Rore sancti spiritus
Maduit virginitas,
Quam replevit coelitus
Sumpta carne deitas.

2 b. Sic pudoris lilium
Gabrielis nuntio
Fit Christi sacrarium,
Templum, obumbratio.

3 a. Rubus igne, virga flore,
Vellus rore

3 b. Ante partum et in partu
Et post partum

4 a. Consignando mysticant
Sanctitatem virginis
Et fecundam indicant
Ex amore flaminis.

4 b. Horum typo claruit,

Quod solem justitiae
Stella Jacob protulit
Ex Jesse progenie.

5 a. Austro leui tumuit
Virgo Sion filia,
Quae Messiam genuit
Operante gratia.

5 b, Nil pudoris marcuit
Matris sub officio,
Lux de luce micuit,
Sol de stellae radio.

6 a. Ave nucis sementiva,
Botrus Cypri et oliva,
Flos campi convallium ;

6 b. Porta clausa, fons signatus,
Virga florens, austri flatus,
Rosa, crocus, lilium.

7 a. Aula verbi singularis,
Scala coeli. stella maris,
Templum sancti spiritus:

7 b. Germen Sion, radix David,
Clausus hortus, quem intravit
Splendor patris coelitus.

8a. Summa mundi spes, Maria,

Esto nobis dux et via

Ad coeli palatium,

8 b. Natum tuum perduc, stella,

Ut det nobis, interpella,

Spiritale gaudium.