16. In Nativitate DN.

1. Praecelsa

celebrantes solemnia

2a. Persolvamus
voce praeclara
ac nova cantica:

2 b. Fraterna pax
Domino grata
resultet carmina.

3 a. Declarant

hodie nova mysteria
coeli secreta:

3b. Maria,

virgo perpetua, Domini
mater est facta.

4 a. Angelica

jam turba resonat
modulamina
dulcia cantans:

4 b. Gloria

sit per saecula,
pax, quibus bona
constat voluntas.

5 a. Eja intona

nostra tinnula frequens
musica,

5 b. Canta cantica

voce, choro, tympano,
cithara.

6 a. Sic clamans cernua
sua fert Domino
munera:
Tibi gloria,
trinitas,
creans omnia.

6 b. Virtus, potestas
nunc et per
cuncta saecula

Genitori, nato
neumatique sancto
maneat.

7 a. Tua sunt

etenim universa,

quae condidit tua dextera,

coelica, terra et aqua.

7 b. Tibi lux

famulantur et umbra.
terra parit tua sata,
mare tenet tua iassa.

8 a. Digneris nunc, quaesumus,
flagrantia
sumere vota.

8 b. Facinora expurga,
miserias
repelle cunctas,

9 a. Et tua gratia
mentes nostras
et corpora sic dirigas,

9 b. Ut judex veniens
permansuram
nobis concedas gloriam.

10. In qua tibi laudes canat
nostra caterva,
Alleluja
resonans per saecula.