17. In Nativitate BMV.

1. Summa

2 a. Stirpe genita,
virgo Maria,
regum sanctorum
filiola,

2b. Hodie rosa
de spinis acutis
Evae orta est
mollissima.

3 a. Quae stipitem
vetustae noxae
flore gratiae
obumbrabat,

3 b. Hanc venturam
signaverant jam
saecli recentis
exordia.

4 a. Nam virgo exstiterat
arida,
Ante Cain

quam polluisset eandem
humore

fraterni sanguinis,
libera livoris flamma
nec calens
libidinis macula.

4b. Te viri et feminae
praedicant
Castitate

sequentes coeli reginam,
seu chorus
sub lege principum
vel novorum stemma patrum
inter quos
tu rutilas maxima.

5 a. Te sicca virgula
Aaron monstrat
sitibundo
cortite turgens gemmula.

5 b. Sic casto corpore
filium gignens
protulisti
coelis et terris germina.

6 a. Hierusalem filia
tu, genitrix Dei,
simplicibus
columbarum oculis
splendes nitida.

6 b. Sola exemplo sine
nec prius similem
visa ades

nec habere sequentem,
alma Maria.

7 a. Quam frequentes
celebrant angeli
in tuo natali
hunc diem solemnem,
stella lucida.

7 b. Nos gregatos
fragiles homines
sub tua viscera
jugiter tuere,
pia Maria.