23. De Epiphania DN.

la. Coeli multifariam
Narrant Dei gloriam
Pariente virgine,

1b. Lux ad caulas mittitur,
Stella magis oritur
Novo lucens lumine.

2 a. Christo nato desinunt
Loqui vaticinia,
Et ad cunas concinunt
Angeli pro venia.

2 b. Voces a pastoribus

Audiuntur superae,
Sed Chaldaeis regibus
Innotescit sidere.

3 a. Ad utrosque coeli fantur,
Sed Judaeis voces dantur
Et signa gentilibus;

3 b. Ad utrosque fantur caeli,
Genti tamen infideli
Sunt signa pro vocibus.

4 a. Haee est dies signis praestans,
Christum vere manifestans
In aetate qualibet:

4 b. Manifestans Christum vere,
Quando sibi complacere
Pater eum perhibet.

5 a. Manifestans etiam,
Quando jubet hydriam
Vinum dare nuptiis:

5 b. Manifestans iterum,
Quando trium munerum
Signatur mysteriis.

6 a. Aurum regem praedieat,
Thus Deum significat,
Myrrha dandum tumulo ;

6b. Felix regum trinitas,
Quae sic trinum visitas
Triplici munusculo.

7 a. O virgo perpetua,
Tu stella praecipua,

Quae ducis ad Dominum ;

7 b. Tu mentes illumina,
Gloriosa Domina,

Dulcis virgo virginum.