24. De Cruce DN.

la. Salve, crux, vitale lignum,
Arbor sacratissima,

1b. In qua morte mortem vicit
Gloriosa victima,

2 a. Agnus sine macula
Solvens mortis vincula

2 b. Perditos coelestia
Revocans ad gaudia.

3 a. Per lignum mors intraverat,
Et anguis astutia

3 b. Genus nostrum nudaverat
Immortali gloria;

4 a. Sed per lignum Dominus
Primae matris facinus
Ratione delens mira

4b. Unicam, quem genuit,
Incarnari voluit

Et mactari morte dira.

5 a. Christus ergo moritur,
Sed peremptus superat
Tenebrarum castra:

5 b. Sanguis vitae funditur

Et redemptus properat
Peccator ad astra.

6 a. Hujus namque crucifixi
Fuit serpens indeserto
Quondam aeneus figura,

(3 b. Quem Moyses ligno statuit,
Ut cessaret ignitorum
Anguinum laesura.

7 a. Serpente viso morsorum
Sanabantur vulnera,

7 b. Et cruce Christi reorum
Abolentur scelera.

8 a. O quam dulcis hostia,
Quanta jam laetitia,

8 b, Pacis intrant limina
Redemptorum agmina.

9 a. Hujus nunc virtute crucis

9b. Trahe nos ad regnum lucis-

10 a. Emundatos

a peccati macula
Et perennis, Jesu boue,

10b. Fac participes coronae
Per aeterna

saeculorum saecula.