25. De Armis DN.

la. Gaude, Sion speciosa,
Gaude, mater gratiosa,
De votivis canticis,

1 b. Quantum potes, tantum gaude,
Pleno plausu, virgo, plaude,
Nec gaudere sufficis.

2 a. Per te vicit magnus leo,
Natus Deus qui de Deo,
Christus, gigas orbiger,

2 b. Vicit armis sanctitatis
Et cruore deauratis,
Quem effudit armiger.

3 a. Anna Christi passionis,
Amia verae cautionis

Veneremur laudibus,

3 b. Dies quorum solemnis agitur,
Et de Christi triumpho plau-
ditur
Singulari plaudio.

4 a. Haec sunt arma quibus miles
Christus solvit nos exiles

Ab inferni faucibus,

4b. Unde gaudent coelorumsidera
Et laetantur quaecunque ce-
tera
Christi sub imperio.

5 a. Hasta sancta, cuspis vitae,
Quo rex regum vicit rite,
O beata lancea,

5 b. Ista hasta, illud lignum,
Stabit prope crucis signum
In summa sententia.

6 a. Cum nos judex judicabit,
Nationes separabit
Districto judicio,

6b. Clavi sancti tunc fulgebunt,
Inter arma apparebunt
Judicis aspicio.

7 a. Felices cochilidones
Fructus sancti colligones
Beati Christigeri,

7 b. Clavi dulces et fecundi,
Clavi boni et jucundi
Fructus sunt fructigeri.

8 a. Botrus Cypri est expressus,
Christus tritus atque fessus,
Per haec torcularia,

8 b. Bibant omnes hinc credentes
Puritatem, sitientes
Hac cella vinaria.

9 a. Arma dudum vilipensa,
Nunc in laudes sunt protensa
Vivaci memoria,

9 b. Quibus Christus militavit,
Militando triumphavit
Laudanda victoria.

10 a. Sub figuris haec latebant,
Quae sub velo tunc valebant
Et sub signis tunc placebant,
Sed nunc sunt in patulo.

10b. Virga magos abdicavit,
Mare rubrum separavit,
Petram aquis fecundavit
Moysi officio.

11a. Ecce virga hasta ista,
Qua transfixus agonista,
Christus noster salutista
Nos solvens damnamine;

11b. Clavis cordis David cinxit
Cytharista, sic depinxit
Venas Christi, quibus tinxit
Nos sacrato sanguine.

12 a. Bone victor, rex coelorum,
Christe decus angelorum,
Vera salus beatorum,
Miserere famulorum,
Miserere miseris,

12b. Fons exundans miserendi,
Salus nostra resurgendi,
Miserere, lux videndi,
Miserere, spes vivendi,
Miserere parvulis.