27. In Festo sancti Salvatoris

quando a Judaeis ejus imago percussa
fuit die IX. Novembris.

la. Ave, Jesu, salus mea,
Crucifixus a Judaea
Crucis in patibulo,

1b. Qui livore dirae gentis
Diu dolens in tormentis
Moreris pro populo.

2 a. Et hoc totum fit pro pomo,
Quod praesumpsit primus
homo
Manu temeraria:

2b. Ne periret creatura.
Tu creator inde dura

Pateris supplicia.

3 a. Pro me totus perforatus,
Pro me totus saturatus
Opprobriis omnibus,

3 b. Inde latens illud aurum
Mihi fundis in thesaurum
Manibus et pedibus.

4a. Vertex spina cruciatus,
Clavo manus, pedes, latus
Cuspidis aculeo ;

4 b. Vulnus illud omne sanat,
Unde nobis unda manat
Liquore sanguineo.

5 a. O quam felix apertura,
Quae per aevum permansura
Regna nobis aperit,

5 b. Pretiosus iste sanguis,

Per quem victus feros anguis
Se confusum reperit.

6 a. Sic te passum carne Jesum.
Cruciatum, vinctum, caesum
Atque plagis lividum,

6b. Ne puniret flammis atris
Exspirans in manus patris
Pro me tradis spiritum.

7a. De te clamat Jeremias:
O vos omnes, qui per vias
Transitis, attendite,

7 b. Si sit dolor huic dolori,
Quo compellor ita mori,
Similis, adspicite.

8 a. Circumire possum polum,
Mare magnum atque solum
Nusquam te reperio,

8b. Nisi solum crucis ara,
In qua pati tot amara
Fecit te compassio.

9 a. Ibi pascis, care meus,
Ibi dormis, alme Deus,
Cubans in meridie,

9 b. Exprobratus, subsannatus,
Totus membris cruentatus
Filiis perfidiae.

10 a. Nam pro me tu flagellaris
Et in cruce lacrimans
Sed felici lacrima:

10 b. Funde fontem lacrimarum,
Fac, ut pro te sit amarum
Cor tristis et anima.

11a. Absit mihi gloriari
Nisi cruce singulari,
Ubi vera gaudia;

11b. Pelle morbum, da salutem,
Fuga crimen, da virtutem,
Pia crucis hostia.

12 a. Te sanante sim sanatus,
Te salvante sim salvatus
Dono sancti spiritus.

12 b. Tu, quis donas esse donum,
Dona nobis finem bonum
Et felicem exitum.

13 a. Jesu dulcis, esto mecum,
Sume, precor, vota precum,
Natus alma virgine;

13b. In hoc tristis vitae salo
Nos defende hoste malo,
Salus nostra, Domine.