28. In Resurrectione DN.

1. Surgente Christo
de sepulchro

2 a. Hymnos atque
laudes demus et
paschalia

2 b. Praecinentes
annuntiemus
magnalia.

3 a. Munera populi

exsultantes tollite in
atria

3b. Coelica dicentes:
quia regnavit a ligno
veritas.

4a. Quae confregit claustra
saevi tyranni gehennalia,

4b. Protoplasti patris

divinitus perimens vincula.

5 a. Quem creavit

mundi condens figuram;
hujus stirps ut vidit,
quod venisti Deus
ac frangens tartara
praepotenti dextera:

5 b. Solus, Christe,
tuos exhilarans en
requisitos servos
redemptos, vetera
crimina diluens,
duc ad nova gaudia.

6 a. Qui tenens

justorum foedera

dare fulgentia

consona

voce simul intonantia:

6 b. Laetentur
sidera lucida,
terrae exsultent et
maria,
quod verum sumentes azyma

7 a. Epulemur

passione Christi,

Respuentes

vetera fermenti,

coetibus

nexi surgentium

sanctorum testium,

surgere

nostra quoque corpora.

7 b. Sic vivamus,
socii, possimus
Ut virtutem
capere divinam
ac Jesum
cernere fulgentem
proprio decore,
qui regit
angelica agmina.

8 a. Exsultet ergo

fidelis turba clamans:

Salvator,

quod in nos plasmasti, tu

confirma.

8 b. Venturus item

judicare orbis cuncta,
praesentem
salva tuo cruore
catervam.

9 a. Quo fruamur aeterno festo
celebrando verum pascha,

9b. Cum transeundo ministrabis
coenam famulis ; beatae

10. Caritatis

Trinitati gloria.