30. Feria III. Paschatis.

1. Pangite celsa voce,
puro corde quoque, eja

2 a. Socii, votiva

nnnc celebrantes gaudia,

2 b. Promite praeclara

haec Jesu Christi trophea.

3 a. Lustrentur pectora,
patescat
vox indivise socia.

3 b. Resultent organa,
conclamet
mens puritatis conscia.

4 a. Devotioque pia
consurgat
ante Deum cernua,

4 b. Ab inferis Domino
depromat
resurgenti talia:

5 a. O bone rex, ave,
inclite in gloria,
Dum spolia
veridicas
tibi tartarea,
Leviathan
faucibus eruta.

5 b. O boue rex, salve,
nunc patris in dextera,
Dum vitia
diluis

nostra letifera
exhibita
debiti venia.

6 a. Tu sanctis triumphalem
post victoriam
perpetua
tribuis praemia.

6 b. Virtutum quoque nobis
da propitius
post vitia
pia charismata.

7 a. Ereptis tradis munera
sempiterna,

das requiem praeparatam,
quo teneant
luciflua jugiter
moenia.

7 b. Adducis nos Niliaca
secus freta,
Jordanica cingis unda,
florentia

virtutibus tribuis
gramina.

8 a. Perfrui
tu dedisti
his luce tua:

8 b. Da quoque
nobis, coram
te geri grata.

9 a. Ut sicut
illis tribuisti
perennia [praemia],

9 b. Concedas

nobis ita regna,

quo semper tuba nostra

10. Te laudet per saecula.