33. In Festo Pentecostes.

la. Veni, sancte spiritus,
Qui es Dei digitus,
Dona nobis coelitus
In te recta sapere.

1b. In hac die visita
Corda tibi subdita,
Nulla valent merita
Sine tuo munere.

2 a. Mitte tuis famulis

Ignem, quem discipulis
Misisti dans singulis
Dona tuae graliae.

2 b. Mira haec est gratia
Continentis omnia,
Qua vocis scientia
Datur ignis specie.

3 a. Tuvbae pavent gentium,
Quia linguis omnium
Vox sonat dicentium:
Laus tibi sit, Domine.

3 b. Putant esse stolidos
Atque musto madidos
Igne tuo fervidos,
Spiritus paraclite.

4 a. Sanctum pneuma, petimus
Da pacem, dum vivimus,
Dele, quae peccavimus
Corde, verbis, opere.

4 b. Tuum esse dicimus,
Quidquid boni facimus,
Tibi benedicimus

Nunc et omni tempore.