38. De Ascensione DN.

la. Sursum sonet laudis melos,
Rex virtutum scandit caelos
Coelesti potentia,

1b. Hoste nostro triumphato
Et inferno spoliato
Scandit cum victoria.

2 a. Lauda, coelum, et congaude,
Redemptori nostro plaude
Jubilo laetitiae,

2b. Para thronos principales,
Leva portas aeternales,
Ut intret rex gloriae.

3 a. Quis est iste gloriosus,
Sua forma speciosus
Mira pulchritudine?

3 b. Hic est rerum procurator,

Adae lapsi reparator

Gratuito munere.

4 a. Quid est istud, quo vestitur,
Cur majestas operitur,
Quae non eget tegmine?

4 b. Haec est vestis illa pia,
Caro sumpta de Maria
Sine viri semine.

5 a. Cur est vestis laeerata
Et hinc inde concavata,
Quasi tincta sanguine?

5 b. Hae sunt plagae, quas portavit,
Hic est sanguis, qui manavit,
Moriens pro homine.

6 a. Quis tam magnus comitatus,
Tam solemnis apparatus,
Quo procedit rex vallatus
Tanta multitudine?

6 b. Hae sunt animae beatae,
De inferno liberatae,
Quae fuerunt captivatae
Parentali crimine.

7 a. Ergo cantent in hac die
Tres coelestcs hierarchiae
Nato virginis Mariae
Laudes et praeconia,

7 b. Qui naturam conjugatam,
Sua morte reparatam,
Quasi sponsam adornatam
Transduxit ad propria.

2 a. Jubilant et admirantur,
Laude simul jucundantur
Circa haec magnalia:

2b. In dulcores sonant voces,
Distinguuntur per cohortes
Astra coeli fulgida.

3 a. In amorem exardescunt,

Quaerunt sic et expavescunt,
Et respondent, qui cognoscunt
Jesu mirabilia.

ob. Quis est iste gloriosus,
Sua forma speciosus,
Tamquam rex victoriosus
Tanto fulgens lumine?

8 a. Sic naturam reparavit
Et ruinas restauravit,
Nobis sanctos sociavit
Aequa dans fastigia.

8 b. Nunc ascendit sic patenter,
Coelos penetrat potenter
Et transcendit excellenter
Omnium cacumina.

9 a. Pater stringit, amplexatur
Unigenitum, affatur,
In quo solo jucundatur,
Cui dedit omnia.

9 b. In dextra jam patris sedet,
Unde sanctas mentes replet
Et conformes sibi praebet
Tribuens charismata.

10. Rex benigne, nos conforta,
Semper tibi nos comporta,
In te ipsum nos transporta,
Qui adimples omnia.