39. De Ascensione DN.

la. Sursum corda sublevemus
Et triumphum personemus
Salvatoris hodie,

1b. Quem coelestis hierarchia
Dulci laudat symphonia
Titulo victoriae.

2 a. Nam infernus spoliatur,
Paradisus reseratur
Crucis cum victoria,

2 b. Libertati captus datur,
Orbis terrae gratulatur,
Gaudet coeli curia.

3 a. Victor surgit, animatur,
Planctus matris commutatur,
Oonresnrgunt omnia,

3b. Regi praeda copulatur,
Scandit coelos, exaltatur
In paterna gloria.

4 a. O qui cantus angelorum,
Quae sunt festa supernorum
In coeli palatio,

ib. Quo regina, coeli porta.
Per quam mundo lux est orta,
Cernitur cum filio.

5 a. Pie Jesu, forma mores,
Pelle pestes et errores.
Nos videre coeli flores
Da post haec exsilia.

5 b. Dulcis Jesu, supplicamus,
Ut te laeti videamus,
Cum Maria gaudeamus
Et sanctis in patria.