40. De Ascensione DN.

la. Inferni fracto carcere
Surgens victor de funere
Christus, vita viventium,

1b. Vitae recludit limina,
Viae tollit discrimina,
Via Christus et ostium.

2 a. Hac in die praecipue
Panduntur coeli januae,
Diriguntur itinera.

2 b. Cum nostrae carnis portio
Ferente Dei filio

Levatur supra sidera.

3 a. O beati discipuli,

Quorum merentur oculi
Videre vivum denuo,

3 b. Videre sursum evehi,
Ut oculatae fidei

Radice stent perpetuo.

4 a. Ut in fide firmissimi,
Spe concepta longanimi,
Quae sursum sunt, desi-
derent;

4b. Ut fidem et spem habitas
Concomitetur caritas,
Qua sine non proficerent.

5 a. Sic fundatur ecclesia,
Sic spondentur coelestia
Deorsum militantibus,

5 b. Sic angulari lapide
Tandem locato provide
Sit unum ex disparibus.

6 a. Christus lapis in angulo,
Qui ex utroque populo
Facit rem unam publicam,

6 b. Dum verbo carnem sociat..
Inter naturas mediat
Humanam et angelicam.

7 a. Jesu, qui tantae gloriae
Carnem assignas hodie,
Carnis honor et gloria,

7 b. Sic carnem doce conteri,
Quod tua non sit oneri
Secuturis vestigia.