43. De Corpore Christi.

Sabbato infra Octavam.

la. Salve, vera salus mundi,
Per quam facti sumus mundi
A letali vitio;

1b. Salve, panis beatorum,
Cibus, potus viatorum
Veraque refectio.

2a. O quam mirum sacramentum,
Quo factum est alimentum
Hic, qui pascit omnia,

2 b. Et quam profunda caritas,
Qua sua facit deitas
Omnia communia.

3 a. Deus caput nostrae tribus,
Sanguis potus. caro cibus,
Coeli datur gaudium ;

3 b. Pellitur mors, vita datur,
Pace terra circumdatur,
Nam Christus in medium.

4 a. Ergo surgamus ocius
Et purgemus attentius
Nostri cordis vasculum,

4 b. Ut possimus suscipere,

Quod mundus nequit capere
Beatum hoc ferculum.

5 a. Sic sumentes assumantur
Ab eo, ut uniamur
Membri sui corporis ;

5 b. Ut in fine coaequales
Sancti simus et sodales
Cum angelicis choris.