Congregatio de Causis Sanctorum 181

ACTA CONGREGATIONUM

CONGREGATIO DE CAUSIS SANCTORUM

STRIGONIEN.-BUDAPESTINEN.

Beatificationis seu Declarationis martyrii Servi Dei Zoltani Ludovici Meszlényi

Episcopi titularis Sinopensis, Episcopi auxiliaris Strigoniensis in odium fidei, uti

fertur, interfecti († 1951)

DECRETUM SUPER MARTYRIO

« Ego enim iam delibor et tempus meae resolutionis instat. Bonum certa-

men certavi, cursum consummavi, fı̀dem servavi » (2 Tim 4, 6-7).

Verba haec, quae beatus Paulus Apostolus, appropinquante die,

Timotheo discipulo scripsit, in vita ac morte Venerabilis Servi Dei Zoltani

Ludovici Meszlényi clara perspicuitate implentur, qui, profunda ac confisa

pietate erga Christum commotus, infesta persecutorum monita numquam

expavit nec ad sanguinis effusionem fidelitas eius ac perseverantia imminuit.

Servus Dei in vico Hatvanio in Hungaria die 2 mensis Ianuarii anno 1892

e familia christiana traditione funditus informata natus est. Iam inde a prima

aetate vivida intellegentia atque ingenio natura insignitus, adeo in scholis

optime processit, ut, Scholae Superioris diplomate apud Lyceum Patrum

Benedictinorum Strigoniense adepto, ab Archiepiscopo Romam missus sit

ad studia philosophiae ac theologiae peragenda. Alumnus Pontificiae Studio-

rum Universitatis Gregorianae, lauream in Philosophia et Sacra Theologia

consecutus est et baccalaureatum in Iure Canonico.

Die 28 mensis Octobris anno 1915 presbyteratu auctus, plura assumpsit

officia, quibus diligentia ac fervore functus est, et, die 28 mensis Octobris

anno 1937, episcopus Auxiliaris Archidioecesis Strigoniensis est ordinatus.

Etsi inter tempestates alterius belli mundani, Servus Dei vitam fere

quietam atque insigni pastorali et culturali navitate ornatam degit. Post

bellum autem eventus praecipites proruerunt et regimen rei publicae, cuius