Acta Apostolicae Sedis - Commentarium Officiale182

placita ex commenticiis materialismi rationibus oriebantur, contra Ecclesiam

insaevire coepit, plura adhibens intolerantiae actus, qui mox in apertam

asperam et cruentam persecutionem sunt mutati. Cuius contentionis tempo-

ris specimen fuit custodia Archiepiscopi Primatis Reverendissimi Domini

Iosephi Mindzsenty.

Vicario Capitulari anno 1950 mortuo, ecclesiae Cathedralis Canonici Ser-

vum Dei, cuius rectitudinem et firmitatem confitebantur, contra mandata

dictaturae ad tantum officium nominaverunt. Quod munus Reverendissimus

Dominus Zoltanus Ludovicus, licet conscius esset gravium periculorum quae

inde gignebantur prompto spiritu suscepit. Duodecim modo post diebus,

comprehensus sine processu, in carcere Resciae detentus est et, insequenti

mense Iulio in campum captivitatis Cistarcii prope Budapestum deportatus,

in secreta solitudine degit.

In tanta aspera captivitate, quae octo menses est protracta, acerbioribus

in dies crudelitatibus tortus est, cibi calorisque inopiae ferocibus saevitiis et

cruciatibus subiunctis. Inevitabili coram scrupulo utrum fidelitas an proditio

fidei et Ecclesiae ei eligenda esset, Servus Dei praelationem suam Christi

promptissime testatus est et nefastam perversionem eventuum in communio-

ne amoris cum Domino vixit summopere divinae Providentiae confisus.

Humiliter ac patienter crudelem suam captivitatem passus est, omnes obiens

ademptiones vexationesque tamquam oblationem amoris Deo et mysterio

crucis participationem.

Die 4 mensis Martii anno 1951, mortiferis vulneribus, quae acceperat, et

inhumano labore fatigatus, in campo captivitatis Cistarcii spiritum reddidit.

Priusquam nuntius mortis Servi Dei referretur, omnes qui eum cognove-

runt in eventibus signa martyrii perspexerunt.

Inquisitio dioecesana super martyrio Servi Dei varias, ergo, pertulit mo-

ras et Causa beatificationis seu declarationis martyrii tantum inita est apud

Curiam Archidioecesanam Strigoniensem-Budapestinensem a die 18 mensis

Octobris anno 2004 ad diem 23 mensis Ianuarii anno 2005 per Inquisitionis

dioecesanae celebrationem, cuius auctoritas et vis iuridica a Congregatione de

Causis Sanctorum Decreto diei 7 mensis Decembris anno 2007 probatae sunt.

Positione conscripta, disceptatum est, more solito, de Servi Dei asserto mar-

tyrio. Die 16 mensis Ianuarii anno 2009 Congressus Peculiaris Consultorum

Theologorum faventi exitu factus est et Patres Cardinales et Episcopi,

Ponente Causae Excellentissimo Domino Hieronymo Grillo, Episcopo em.

Centumcellarum-Tarquiniensi, in Sessione Ordinaria die 5 insequentis mensis