45. De Corpore Christi.
Feria II. infra Octavam.

la. In excelsis gloria
Ex Christi memoria
Sit, qui dat mysteria
Panis vitae.

1b. Hunc panem virgo tulit,
Potum natus obtulit,
Quem in sacra protulit
Crucis rite.

2 a. Hic panis angelicus,
Potus evangelicus,
Dei quibus unicus
Nos reficit.

2 b. Te proba, Christiane,
Qui frui vis hoc pane,
Nam fidem mentis sanae
Circumspicit.

3 a. Cum concentu sensui
Non solum auditui,
Qui dat intellectui
Lumen verum.

3 b. Quod sentis exterius,
Christus est interius
Et nil tenet verius
Cor sincerum.

4 a. Corpus est, quod sumitur,
Et sanguis, qui bibitur,
Sub rebus Ius alitur
Vera fides.

4 b. Purgatus omni sorde
Si sumas vero corde,
Caritate concorde.
Deum vides.

5 a. Hic expellit inferos
Et ducit ad superos,
Consolatur miseros,
Fert virtutem.

5 b. Dignis eum mentibus
Sumamus, ut coetibus
Nobis cum coelestibus
Det salutem.