Congregatio de Causis Sanctorum 183

Maii habita, agnoverunt Servum Dei Zoltanum Ludovicum Meszlényi in

odium fidei ob fidelitatem erga Christum ab ipso confirmatam interemptum

esse.

De hisce omnibus rebus, referente infrascripto Archiepiscopo Praefecto,

certior factus, Summus Pontifex Benedictus XVI, vota Congregationis de

Causis Sanctorum excipiens rataque habens, hodierno die declaravit: Consta-

re de martyrio eiusque causa Servi Dei Zoltani Ludovici Meszlényi, Episcopi

titularis Sinopensis et Episcopi auxiliaris Strigoniensis, in casu et ad effectum

de quo agitur.

Hoc autem decretum publici iuris fieri et in acta Congregationis de Causis

Sanctorum Summus Pontifex referri mandavit.

Datum Romae, die 3 mensis Iulii A. D. 2009.

e Angelus Amato, S.D.B. Archiep. tit. Silensis, Praefectus

L. e S.

e Michaël Di Ruberto Archiep. tit. Lunensis, a Secretis

BIRMINGHAMIEN.

Beatificationis et Canonizationis Ven. Servi Dei Ioannis Henrici Newman Sanctae

Romanae Ecclesiae Cardinalis, fundatoris Oratoriorum Sancti Philippi Neri in

Anglia (1801-1890)

DECRETUM SUPER MIRACULO

Venerabilis Servus Dei Ioannes Henricus Newman Londini die 21 mensis

Februarii anno 1801, Anglicana e familia, natus est. Expleto Oxonii cursu

studiorum, minister Ecclesiae Anglicanae factus est cum munere studentium

universitatis curae pastoralis et hoc in officio fundavit sodalitium « Opus

Oxoniense » ad liberalismi religiosi disseminationem arcendam, qui immodico

cultu rationalitatis in Anglicis universitatibus diffundebatur. Habitus eius