Acta Apostolicae Sedis - Commentarium Officiale184

pastoralis et theologicus semper fuit praecipuae moderationis ita ut princeps

positionis Anglicanae propinquioris Ecclesiae Catholicae existimaretur,

in quam post diligentissimam meditationem ac de Chistianitatis origine per-

tractationes rogavit ut admitteretur. Anno 1847 presbyter ordinatus est.

Ductus Sancti Philippi Neri exemplo, in Anglia Congregationem Oratoriorum

eius fundavit. Universitatis Dublinensis rector fuit et post reditum suum in

Angliam studia una cum munere pastorali perrexit. Pontifex Leo XIII,

perspectis praecipuis virtutibus eius tam humanis quam moralibus, in nume-

rum cardinalium eum ascivit. Venerabilis Servus Dei in patria nova alacritate

munera sua persecutus est et plene confirmavit suam mentem philosophicam

et theologicam, quam in tractatibus et litterariis scriptis summi momenti

exposuit. Morte lumina clausit die 11 mensis Augusti anno 1890 in vico

Edgbaston iuxta Birminghamiam. Anno 1991 Summus Pontifex Ioannes

Paulus II virtutes heroicas eius agnovit.

Beatificationis respectu, Causa Postulationis iudicio huius Congregationis

de Causis Sanctorum assertam subiecit miram quendam sanationem Domini

Ioannis Arcturi Sullivan qui in mense Iunio anno 2000 cruribus magno dolore

affectus est, qui deambulationem omnino prohibuit. Clinicae investigationes

gravem morbum disci vertebralis una cum pluribus herniis et strangulatione

canalis declaraverunt. Illis in diebus, ex disceptatione televisifica, aegrotus

cognovit Venerabilem Servum Dei quem fervore exorare incepit intercessio-

nemque ad salutem recuperandam invocare. Die 9 mensis Augusti 2001 in

valetudinario Bostoniensi in Massachuseta in Foederatis Civitatibus Ameri-

cae Septentrionalis sectione chirurgica adhibere opus fuit, periculosa aegroto,

qui sequenti die 15 mensis Augusti eodem tempore invocationis fortem calo-

rem toto in corpore et statum tranquillitatis interioris animadvertit. Statim

stationem erectam recepit, quod vero a pluribus mensibus impossibile erat, et

deambulare incepit, quamvis medici in prognosi multis mensibus eum in curis

iacturum esse non sine morbi reliquis putarent.

Evidens est concursus et consequentia inter Servi Dei invocationem

et sanationem Ioannis Arcturi Sullivan, qui deinceps naturali sociali vita

pollens sanus fuit.

De sanatione, mira aestimata, iuxta Curiam Archiepiscopalem Bostonien-

sem a die 25 mensis Iunii anno 2005 ad diem 9 mensis Septembris anno 2006

celebrata est Inquisitio Dioecesana cuius iuridica validitas ab hac Congrega-

tione per Decretum diei 2 mensis Iunii anno 2007 approbata est.