50. De Corpore Christi.

la. Laetabundus

Nunc cantet fidelis mundus
Alleluia.

1b. Qui immensam

Praeparavit nobis mensam,
Res miranda,

2 a. Corpus suum praebuit
Ad vescendum, sic fluit
Sol de stella.

2 b. Panis carne vertitur,
Ut in sacris legitur
Voce clara,

3 a. Sic vinum in sanguine
Verbi modulamine
Pari forma.

3 b. Nec sanguis in sumendo,
Caro nec in vescendo
Fit corrupta.

4 a. Sic nos potat sanguine,
Sic nos pascit corpore
Valle nostra,

4 b. Sic nos potu reficit
Ac repletos efficit
Carne sumpta.

5 a. Ut in coena cecinit,
Fides nostra meminit,
Judaea non desinit
Esse caeca.

5 b. Quo natura deficit,
Virtus verbi reficit,
Quae benigne perficit
Haec praedicta.

6 a. Si corpus insigne
Sumpseris indigne,
Te ponis in igne,
Gens misera.

6 b. Pater, accelera,
Da salutifera,
Jesum, quem genuit
puerpera.