Congregatio de Causis Sanctorum 187

Examine publico expleto, iuxta scholam primariam illius loci religiosam

doctrinam docere incepit. Ministerium suum semper fuit summae Deo conse-

crationis per vitam sacerdotalem in humilitate et benigna sedulitate, nihil

aliud nisi Regni Dei aedificationem quaerens.

Magis in dies iuvenis sacerdos cum Christo unionem oratione, sacramen-

torum ministerio, fide in votis religiosis, sedulitate in instituendis iuvenibus,

amore in pauperes male laborantes confirmabat.

Fanatismus et violentia ad vitam eius iam appropinquaturi erant: enim

politicae contentiones iam augebantur propter bellum totius orbis et Servus

Dei Nationalis Socialismi cum regimine se illigare noluit et veritatem

commodis potestatis, persecutionem collusioni cum corruptoribus animarum

fidelium anteposuit.

Propter hoc a regimine politico rei publicae suis opinionibus funestissimus

existimatus est et anno 1941 a publicae securitatis ministris comprehensus

est et in vincula Lentiae ductus est, ac, pronuntiata sententia de crimine, ad

campum deportationis in Dachau in Bavaria condemnatus est. Hoc in loco

complures res adversas omni in die aequo animo et absoluta fiducia Divinae

Providentiae suscipiens eximium testimonium suae fidei perhibuit. In rele-

gatione iniuriae et impotentiae animum eius non minuerunt nec anxietate

sollicitaverunt sed spei et mansuetudinis occasionem praebuerunt eiusque

virtus ad gestos vere heroicos pervenit. In eo semper erga proximos ardebat

amor et ad suum ministerium iuxta captivos ex Russia deportatos exercen-

dum lingua Russica didicit loqui. Eius testimonium fidei et fortitudinis illis in

annis fuit culmen itineris fidelitatis erga Christum. Servi Dei caritas erga alios

captivos postea tradidit memoriam eius ut « angelum Dachau ».

Contagione typhi grassante in campo publicae custodiae hiemali tempore

anni 1944 Servus Dei, etsi eventus sibi exitialis conscius, sua sponte se obtulit

ut aegribus assisteret et fidei solacium praeberet.

Singulare testimonium victoriae amoris contra omnes saevitias et imma-

nitatem constituens ipse, a morbo infectus, vitam deseruit vix trigesimum

quartum annum aetatis agens in Dachau die 2 mensis Martii anno 1945.

Fama sanctitatis, iuxta Curiam dioecesis Herbipolensis a mense Iulio

anno 1991 ad mensem Iunium anno 1996 celebrata est Inquisitio Dioecesana,

cui accessit Inquisitio Rogatorialis iuxta Curiam Dioecesanam Rottenbur-

gensem-Stutgardiensem mense Octobri anno 1991, quarum iuridicam aucto-

ritatem approbavit haec Congregatio de Causis Sanctorum per Decretum

editum die 11 Ianuarii anno 2002.