51. De Corpore Christi.

la. Laetabundus

Decantet homo devotus,
Alleluia,

1b. Christi corpus,

In quod panis transit totus.
Res miranda.

2 a. Sic clementer allicit
Et natos nos reficit,
Sol de stella.

2 b. Corda summe perficit,

Confortat et reficit

Semper clara.

3 a. Per hunc culpae pereunt
Et daemones exeunt
Pari forma.

3 b. Hanc virtutem nequeunt
Ferre sed mox abeunt
Haec corrupta.

4 a. Sub hac forma visitat

Justos et inhabitat

Valle nostra.

4b. In hac fide cespitat,
Qui mundana cogitat
Carne sumpta.

5 a. Sed fides ingreditur,
Caritas amplectitur,
Ratio convincitur
Esse caeca.

5 b. Nec naturae studio,
Nec artis ingenio,
Sed Deo stant medio
Haec praedicta.

6 a. Christi mysteria,
Vim et magnalia
Cur non metuit
gens misera?

6 b. Panis substantia
Non est in hostia
Sed quem genuit
puerpera.