794 Acta Apostolicæ Sedis - Commentarium Officiale

ACTA CONGREGATIONUM

CONGREGATIO DE CAUSIS SANCTORUM

BARBASTRENSIS-MONTISONENSIS

Beatificationis seu Declarationis Martyrii Servorum Dei Mauri Palazuelos Maruri

et XVII Sociorum ex Ordine Sancti Benedicti in odium fidei, uti fertur, interfec-

torum († 1936)

DECRETUM SUPER MARTYRIO

« Et clamaverunt ad Dominum, cum tribularentur, et de necessitatibus

eorum liberavit eos. Et eduxit eos de tenebris et umbra mortis et vincula

eorum dirupit » (Ps 107, 13-14).

Hymnus liberationis e corde Psalmistae Israelis manans vitae ac con-

versationi Servorum Dei Mauri Palazuelos Maruri et Sociorum personat,

qui, ad patriarchae sancti Benedicti abbatis scholam informati, summopere

parati fuerunt, qui testimonium Christo et Ecclesiae usque ad effusionem

sanguinis praeberent.

Dimidia fere quarta vicesimi saeculi decade, Ecclesia catholica in His-

pania sive ab armigeris seditiosis quoad bona sive quoad iura et regimen

acriter vastata est legibus, quae omnem cultum publicum et actuositatem

religionis praepediebant. Brevi, exinde, dira orta est persecutio religiosa,

ex qua praeter ingentis patrimonii artis amissum verum atrocitatis tempus

instauratum est. Sacerdotes ac religiosi quasi ratione et via calumniis mi-

nisque vexati sunt saepiusque coacti, ut paroecias vel sedes communitatum

desererent et miserrimum susciperent carcerem. His in adiunctis libertas

cultus admodum ac patenter retracta et immo sublata est, ecclesiae coe-

meteriaque revulsa ac deleta atque innumerae fuerunt victimae politicae

perturbationis terroris, qui aestate anni 1936 ad culmen pervenit. E tristi

ergo illa una et gloriosa christianorum martyrum Hispaniae caterva duode-

viginti censendi sunt religiosi ex Ordine Sancti Benedicti, qui intra moenia