808 Acta Apostolicæ Sedis - Commentarium Officiale

SANCTI PAULI IN BRASILIA

Beatificationis et Canonizationis Ven. Servae Dei Assumptae Marchetti Confunda- tricis Congregationis Sororum Missionariarum Scalabrinianarum a Sancto Carolo (1871-1948)

DECRETUM SUPER MIRACULO

Venerabilis Serva Dei Assumpta Marchetti in vico Lombrici de Camaiore

prope Lucam in Italia die 15 mensis Augusti anno 1871 nata est ac postri-

die ad baptimalem fontem regenerata. Vocationem ad vitam consecratam

iamiam percepit, sed ingressum in monasterium aliquod tempus graviores

ob familiae aerumnas distulit. Interdum, frater eius Iosephus, qui presbyter

erat e Congregatione Missionariorum Scalabrionianorum a Sancto Carolo

Borromaeo, instanter ab ea expetiit, ut in Brasiliam mitteretur et migran-

tibus ex Italia, qui in summam et inhumanam egestatem deducebantur, au-

xilium praestaret. Tantis Assumpta benigne indulsit inceptis et missionaria

fieri statuit. Anno 1895, itaque, prima vota religiosa una cum matre aliisque

duabus sociis emisit, quae novae Congregationi initium expediebant, cui dein

nomen erat Congregationis Sororum Missionariarum Scalabrinianarum a

Sancto Carolo Borromaeo. In Brasiliam pervecta, Soror Assumpta missionem

suam apud asylum pro orphanis curandis iniit, in quo praestantissime enisa

est. Anno 1897, prima vota perpetua private professa est. Deinde, Serva

Dei Superiorissa Generalis Congregationis fuit tribus distinctis temporibus

novumque ab interventis Institutum constanter defendit irritis. Magna et

continua oratione suffulta, munera sua pro bono egenorum munifice perse-

veravit. Exemplar verum religiosae et missionariae conversationis, Paulopoli

in Brasilia apud asylum orphanorum Villae Prudentis die 1 mensis Iulii anno

1948 pie obiit. Summus Pontifex Benedictus XVI anno 2011 eam virtutes

theologales, cardinales iisque adnexas in modum heroum coluisse decrevit.

Beatifícationis respectu Postulatio iudicio huius Congregationis de Causis

Sanctorum assertam subiecit miram Venerabilis Servae Dei intercessioni

tributam ac Portalegrensi in civitate (in Brasilia) anno 1994 patratam sa-

nationem viri cuiusdam ventris obesitate aliisque infirmitatibus correpti,

qui quadraginta quattuor annos natus infartum passus est. Promptius curis

suggestis, in valetudinario infirmus receptus est et idonea post suppeditata

subsidia dimissus. Aliquibus intermissis diebus, molestia autem iterum ac