Acta Congregationum 803

TERUELENSIS seu OVETENSIS seu SEGUNTINA-GUADALARAIENSIS seu URGELLENSIS

Beatificationis seu Declarationis Martyrii Servorum Dei Fortunati Velasco Tobar

et XIII Sociorum e Congregatione Missionis († 1934-1936)

DECRETUM SUPER MARTYRIO

« Ecce, ego mitto vos sicut oves in medio luporum; estote, ergo, prudentes

sicut serpentes et simplices sicut columbae » ( Mt 10, 16).

Iam inde a primordiis cum duritia humani cordis et effera reluctatione

mundi evangelico nuntio fuit decertandum. Semper enim christianorum mis-

sio in itinere suo persecutionem experitur et omnibus in saeculis martyrum

Christi corona novis ditatur gemmis.

Religiosi permulti e Congregatione Missionis variis in territoriis dioe-

cesium Hispaniae in persecutione contra religionem interempti sunt, quae

Ecclesiam illam dimidia fere quarta vicesimi saeculi decade acriter vexavit.

Qui vero Patres, iuxta ac multas alias victimas eiusdem temporis hispa-

nicae historiae, caritatis ardore et christianae perseverantia iam in vita

eminuerunt.

Singulorum narratio operum dilucide ostendunt itinera eorum vitae pe-

culiaritatemque dotum virtutesque naturae et super naturam intimaeque

optiones et munera intra communitatem ab officiis coquinariis adusque

praedicationem in missionibus ad populum et moderationem spiritualem

Seminarii exercita: quibus in omnibus patet dilucetque firmum Christo eius-

que Ecclesiae usque ad ultimum et ad mortem cohaerendi consilium.

Humanae eorum et apostolicae actuositatis calcar unum fuit fides et

conscientiae probitas, quibus omnes, nulla factionis vel politicae partis habita

praelatione, fervidorum rectorumque sacerdotum ac religiosorum frueban-

tur fama, quae ubique per loca eorum conversationis amplius dimanaverat.

Nam, boni atque in ministerium prompti, probati atque optime accepti,

ad mortem non per inanem furorem vel insolentiam adierunt, sed iuxta

praecepta Iesu illa « euntes in castella villasque » confugerunt in auxilium.

Et cum capti essent, licet sese servare possent, mortem tamen oppetere

potius maluerunt quam fidem suam prodere, obviam carnificibus suis adeo