53. De Transfiguratione DN.

la. Nos toto conamine
Jesum decet carmine
Ex sua dulcedine
Venerari.

1b. Qui manente homine
In montis cacumine
Voluit clandestine
Transformari

2 a. Coram tribus testibus
In carne viventibus
In candidis vestibus
Claro vultu,

2 b. Et duobus vatibus
Illis apparentibus,
Hinc et inde stantibus
Miro cultu.

3 a. Nube tectis modica
Vox patris deifica
Tonuit terrifica
Dicens rite:

3 b. Hic filius, coelica

Lux, mundi spes unica,
Plenus est theorica,
Hunc audite.

4 a. Nolite pavescere,
Hanc, donec a funere
Surgam, glisco condere
Visionem.

4 b. Discatis hoc opere
Jactantiam fugere,
Hanc volo vos discere
Lectionem.

5 a. Nam coelesti patria,
Quae gustastis, dulcia
Humilibus gaudia
Volo dari.

5 b. Jesu, nos fac gratia
Humiles, ut propria
Queamus in gloria
His cibari.