Acta Apostolicae Sedis - Commentarium Officiale190

perscrutationes, omnia morbi contrahendi pericula exceperunt, quamvis in

puteo nigro liquaminum adeo longe demersa restiterit, ut immanis ruina ipsi

comparanda esset, letalis scilicet effectus lapsus in aquas illas luteas vel

laesiones saltem externae, uti vulnera, signa contusionum, haematomata,

fracturae, necnon summum discrimen contagionum praesertim in intestino

ac pulmonibus.

Mater vero Nataliae, Christiana orthodoxae confessionis, quam magnus

pavor metusque labis plateae opprimebant, cum instabilitatem loci comper-

tum haberet, mane ipsius diei intercessionem Servae Dei invocaverat, ut

iuvenes illas vitas protegeret. Nam, paulo ante cladem Sorores quasdam a

Sanctissimo Rosario oppetiverat et, sollicitae cofundatricis Vitae lectionis

causa admiratione repleta, ad eius patrocinium depoposcerat, praesertim

cum didicisset eam pro aliquibus puellis in puteum elapsas adnixam esse.

Cum ergo eventum novit et plenam sanitatem filiolae suae intuita est, tan-

tum donum virtuti Venerabilis Mariae Alfonsinae intercessionis extemplo

tribuit.

Congruentia temporis evidens fuit, id est nexus inter invocationem Servae

Dei et supernaturale praesidium, quod sive iuvenis Nataliae sive alii pueri

animo experti sunt.

De hoc miro habito casu a mense Novembris anno 2004 ad mensem Martii

anno 2005 apud Curiam Patriarchatus Hierosolymitani Latinorum Inquisitio

Dioecesana celebrata est, cuius auctoritas et vis iuridica a Congregatione de

Causis Sanctorum Decreto diei 19 mensis Maii anno 2006 probatae sunt.

Dicasterii Collegium Medicorum in sessione diei 29 mensis Novembris anno

2007 eventum inexplicabilem secundum hodiernam scientiam medicam fuisse

affirmavit. Die 23 mensis Maii anno 2008 actus est Congressus Peculiaris

Consultorum Theologorum ac deinde die 28 mensis Aprilis anno 2009

Sessio Ordinaria Patrum Cardinalium et Episcoporum, Ponente Causae

Excellentissimo Domino Petro Georgio Nesti, Archiepiscopo emerito Came-

rinensi-Sancti Severini in Piceno; et in utroque coetu sive Consultorum sive

Cardinalium et Episcoporum, posito dubio an de miraculo divinitus patrato

constaret, responsum affirmativum prolatum est.

Facta demum de hisce omnibus rebus Summo Pontifici Benedicto XVI

per subscriptum Archiepiscopum Praefectum accurata relatione, Sanctitas

Sua vota Congregationis de Causis Sanctorum excipiens rataque habens,

hodierno die declaravit: Constare de miraculo a Deo patrato per intercessionem

Venerabilis Servae Dei Mariae Alfonsinae Danil Ghattas, e Tertio Ordine Sancti