55. In Dedicatione Ecclesiae.

la. Virginis matris annua
ecclesiae solemnia

1b. Virginis prolis integra
magnificent praecordia,

2 a. Quam parit assidua
divinitatis gratia

2 b. Haud quaquam serpentina
corrumpendam astutia.

3 a. Hanc mundi vernantia
designavere primordia,

3 b. Cum ex dormiente Adam
Deus formavit feminam.

4 a. Hujus insignis gratia
olim praenotata
est in arca,

4b. Ad quam pacis olivam
columba detulit
ad vesperam.

5 a. Huic veniens de Saba
mystice
conformatur regina,

5 b. Quam sapientiae avidam
Salomon
reliquit stupidam.

6 a. Tali signorum figura
mundo coelitus emissa

6 b. Deus, qui fecit omnia,
natus carne virginea,

7 a. Dilexit hanc
sua misericordia

7b. Et salvavit

bonitate gratuita,

8 a. Mundans eam

sanguinis et sacri fontis
gratia,

8 b. Ornans eam

fide, spe et caritate
gemina.

9 a. Ut posset sine macula
illi aptari sponsa,

9 b. Qui prae filiis hominum
est speciosus forma.

10 a. Eex Christe, protege in terra,
quos adhuc gemens tua
parit sponsa,

10 b. Et defunctos eo subleva,
qua ad dexteram stabit
haec regina,

11a. Ut sit audire cum illa:
Audi et vide, filia,

11b. Deum in sua gloria
per infinita saecula.