Acta Apostolicae Sedis - Commentarium Officiale192

sese consecraverant. Anno 1819, uti Soror a Caritate in valetudinarium Cer-

verense ingressa est, in quo infirmorum medelae ac puellarum institutioni

dedita septem ac decem annos assidue permansit, Magistrae novitiarum et

Superiorissae fungens munere difficillimis in angustiis illius temporis, cum

historiam Hispaniae bella sub Carolo rege gesta et civilia discidia morte et

excidiis et caedibus pestilentiaque aspere cruentabant. Iam inde ab initiis

tantae civium labis, Anna Maria victimis eius suppeditando, scilicet senibus,

viduis, orphanis, sauciis et labe vel cholera correptis, summopere studuit.

Anno 1836, liberale regimen illius temporis suppressionem Ordinum reli-

giosorum, necnon proscriptionem bonorum ecclesiasticorum atque expulsio-

nem omnium religiosarum communitatum a quibuscumque socialibus educa-

tivisque operibus illactenus pro Ecclesia exercitis decrevit. Serva Dei eiusque

sociae, itaque, de nosocomio Castritorti eiectae sunt ac magisterio apud

Institum civile seu Collegium Regium Puellis educandis Cerverae per annum

consuluerunt. Deinde, vero, una cum sociis providit, ut valetudinaria cas-

trensia apud secessus agricolarum appararet in aciebus Pyrenaeorum cata-

launicorum ubi tempore Caroli regis decertabatur.

Dimissis armis, Anna Maria exsul in Galliam usque ad annum 1844

aliquibus cum sociis secessit et, Hispaniam postea remeans, communitati in

valetudinario Castritorti restaurandae cum saecularibus navavit operam,

cuius denuo Superiorissa electa est, et novum abhinc apostolicae sedulitati

spatium patuit, cum anno 1849 aliud caritatis opus apud Domum Misericor-

diae voluntarie incubuit quae innumeras victimas belli excipiebat. Decem

annos orphanis illius domus, pueris pauperrimis e familiis, iuvenibus sine

spe senibusque fovendis misericorditer vacavit.

Anno 1858, episcopus Urgellensis, petiit a Serva Dei, ut valetudinarii

moderamen institutionis, cui nomen erat Sedes de Urgello, sumeret, quae

persimilis erat aliis ab ipsa iam cognitis. Anno 1859, Mater Anna Maria

duabus cum postulantibus Urgellum se contulit, ut in hoc novum incumberet

munus, et, iam vertente mense Augusto, episcopo Urgellensi regulam vitae

Sororum porrexit, quae, approbationem dioecesanam anno 1860 recipiens,

fundamenta iecit novi Instituti infirmorum pauperumque auxilio et pueris

iuvenumque egenorum institutioni, aliarum communitatum a Caritate instar,

dediti. Exinde Serva Dei collegia, nosocomia et domus caritatis in dioecesibus

Urgellensi, Solsonensi et Barcinonensi fundavit.

Opera Matris Annae Mariae funestissime corripuit nova perturbationis

tempestas, quae ab anno 1868 usque ad annum 1875 variis temporibus