798 Acta Apostolicæ Sedis - Commentarium Officiale

sunt, tantum eorum Christiana fides fuit et religiosorum sacerdotumque

status. Cuius rei plane conscii, licet sese servare possent, mediis tamen

nihil indulserunt. Testimonium eorum fuit mira fortitudo animi et summa

Dominicae voluntati oblatio: exemplares fuerunt religiosi vita ac fidelita-

te ad consecrationis suae promissa. Super horum Servorum Dei caedem,

quorum fama martyrii in communitatem ecclesialem admodum incessit,

apud Curiam Episcopalem Barbastrensem-Montisonensem a die 12 mensis

Iulii anno 1997 ad diem 13 mensis Iunii anno 1998 Inquisitio dioecesana

celebrata est, quam a die 19 mensis Octobris ad diem 9 mensis Novembris

eiusdem anni Inquisitio Suppletiva secuta est, quarum auctoritas et vis iuri-

dica a Congregatione de Causis Sanctorum Decreto diei 25 mensis Februarii

anno 2000 probatae sunt. Positione confecta, iuxta suetum morem, die 23

mensis Iunii anno 2010, Congressus Peculiaris Consultorum Theologorum

factus est, in quo prospero cum exitu disceptatum est an Servorum Dei

mors verum martyrium fuisset. Patres Cardinales et Episcopi in Sessione

Ordinaria die 21 mensis Maii anno 2013 habita, cui egomet ipse, Angelus

Cardinalis Amato praefui, agnoverunt mortem supradictorum Servorum Dei

ob fidelitatem erga Christum et Ecclesiam confessam verum in odium fidei

martyrium fuisse.

De hisce omnibus rebus, referente subscripto Cardinale Praefecto, cer-

tior factus, Summus Pontifex Franciscus, vota Congregationis de Causis

Sanctorum excipiens rataque habens, hodierno die declaravit Constare de

martyrio eiusque causa Servorum Dei Mauri Palazuelos Maruri et XVII So-

ciorum, presbyterorum et religiosorum ex Ordine Sancti Benedicti, in casu

et ad effectum de quo agitur.

Hoc autem decretum publici iuris fieri et in acta Congregationis de

Causis Sanctorum Summus Pontifex referri mandavit.

Datum Romae, die 3 mensis Iunii a. D. 2013.

Angelus CArd. AmAto, s.d.B. Praefectus

L. G S.

G mArCellus BArtoluCCi

Archiep. tit. Mevaniensis, a Secretis