57. In Dedicatione Ecclesiae.
In Octava.

la, O felices et beati
Septies examinati,
Qui ad hujus sunt vocati
Festa domus.

1 b. Haec est, inquam, domus illa,
Cujus opes et vexilla
Admiratrix est Sibylla,
Magna vates.

2 a. Haec gyrando regionem
Dum adivit Salomonem,
Parvipendet Babylonem,
De qua venit.

2 b. Aurum, gemmas et argentum
Per millenas vices centum
Defert gazas in augmentum
Sapienti.

3 a. Et nos idem faciamus,
Sic confusa deseramus,
Ut ad pacem veniamus
Duce Christo.

3b. Incedamus iter amplum,
Hanc sequamur ad exemplum.
Ut possimus esse templum
Dei vivi.

4 a. Hierusalem Salomonis
Et Sibylla Babylonis
Adhuc suis certant donis,
Quod sit majus.

4 b. Non est nostrum objurgare-

Plaudat coelum, terra, mare

At nos eis congaudere
In aeternum.