Acta Apostolicae Sedis - Commentarium Officiale194

2002, Congressus Peculiaris Consultorum Historicorum favorabiliter censuit.

Positione confecta, prospero cum exitu, die 24 mensis Octobris anno 2008 in

Congressu Peculiari Consultorum Theologorum disceptatum est, iuxta

consuetudinem, an Serva Dei more heroum virtutes Christianas exercuisset.

Patres Cardinales et Episcopi in Sessione Ordinaria diei 16 mensis Iunii anno

2009, audita relatione Excellentissimi Domini Petri Iacobi De Niccolò,

Archiepiscopi titularis Martanae Tudertinorum, Causae Ponentis, professi

sunt Servam Dei virtutes theologales, cardinales iisque adnexas in modum

heroum coluisse.

Facta demum de hisce omnibus rebus Summo Pontifici Benedicto XVI

per subscriptum Archiepiscopum Praefectum accurata relatione, Sanctitas

Sua vota Congregationis de Causis Sanctorum excipiens rataque habens,

hodierno die declaravit: Constare de virtutibus theologalibus Fide, Spe et Cari-

tate tum in Deum tum in proximum, necnon de cardinalibus Prudentia, Iustitia,

Temperantia et Fortitudine iisque adnexis in gradu heroico Servae Dei Annae

Mariae Janer Anglarill, virginis et fundatricis Instituti Sororum a Sacra

Familia de Urgell, in casu et ad effectum de quo agitur.

Hoc autem decretum publici iuris fieri et in acta Congregationis de Causis

Sanctorum Summus Pontifex referri mandavit.

Datum Romae, die 3 mensis Iulii A. D. 2009.

e Angelus Amato, S.D.B. Archiep. tit. Silensis, Praefectus

L. e S.

e Michaël Di Ruberto Archiep. tit. Lunensis, a Secretis