800 Acta Apostolicæ Sedis - Commentarium Officiale

At legifer pater prudentissimus in tanto munere obeundo a suis non

satis probatur. Postulant enim Superiores ipsique sodales Mexicani ut ser-

vilibus dumtaxat officiis in institutis Fratrum a Scholis Christianis nova se

det congregatio. Itaque ipsius fundatoris consilium perverse interpretan-

tes, iidemque Episcopalem auctoritatem saepe adeuntes atque appellantes,

tandem maximo affectum dolore e Mexico detraxerunt. Qui, anno 1952 in

patriam reversus, vetitus est sive cum sodalibus Mexicanis sive cum sorori-

bus Lasallianis commercium habere. His tamen imperatis nullam umquam

canonicam poenam meritus est, nec umquam in eum animadversum est.

Postea ad alia deinceps sui Instituti domicilia, primum ad Podium Car-

melitarum (nam Le Puy-Les Carmes vulgo Galli dicunt), deinde Massaliam,

denique Avenionem, postremo ad Montem Carolinum, migravit. Die vero 17

mensis Octobris anno 1961, dum Avenione commoratur, automataria birota

incursante violenter impellitur. Itaque Massaliam in gerontocomium, in vico

quem vulgo La Calade appellant, deducitur; deinde valetudinario Fonséra-

nes, prope Biterras, receptus, aliquantum iacet. Sed tantis plagis acceptis

vires integras non amplius recuperavit: adeo gravis collisio perpetuam ei

infirmitatem facessiverat.

Interea epistularum commercium cum sororibus Lasallianis et Mexicanis,

per maximam earum matrem, summi magistri concessu resumpsit anno 1962.

Qua quidem rogante, facta est etiam ei anno 1971 potestas illuc revertendi;

quo tandem longo et perquam laborioso itinere pervenit.

Huius religionem describere qui velit atque incohare, facile inveniet aper-

tum et simplicem virum evangelicas diem de die coluisse virtutes. Primum

omnium in cotidiano officii sui munere diligentissime obeundo Regulam

servavit; item non sine divino afflatu novae condendae sodalitati animum

intendit, quae impigram puerili disciplinae navaret operam; postremo vita

severus fuit, constanter fecit, castitatem sanctissime custodivit, et in recta

hac vitae ratione ac via usque perseveravit: hic vere egregia ac memora-

bilia facinora, hic praeclara eius documenta virtutis luculentius exstant et

eminent. Idem vero, ut erat plenus negotii et iucunditatis, mira animi tran-

quillitate et constantia in omnibus rerum adiunctis emicuit. Fuit eius pietas

non humanis modo sed etiam christianis informata virtutibus atque ditata,

quibus fretus omni tempore sibi conscius fuit per omnia fortem athletam