61. In Dedicatione Ecclesiae.

la. Sponsa sponso desponsatur,
Quando Christo dedicatur
In terris ecclesia,

1b. Quae diversis sub figuris
Designatur in scripturis
Secundum mysteria:

2 a. Arca Noe fabricatur,

Extra quam nemo salvatur
Sed perit diluvio:

2 b. Regi David sociatur
Abysag, ut foveatur
Rex in ejus gremio.

3 a. A Jacob scala cernitur

Tangens coelum nec spernitur
Sed lapis inungitur ;

3 b. Salomon aedificavit
Templum atque dedicavit
Domino ut legitur.

4 a. Haec signant sub velamine
Mente mundam a crimine
Sponso nuptam gloriae,

4 b. Cujus mira dulcedine
Perfruamur cum agmine
Triumphantis curiae.