804 Acta Apostolicæ Sedis - Commentarium Officiale

placide procedentes, ut ultima eorum non damnationis vel deprecationis

essent verba, verba autem veniae et Christi maiestatis praeconii.

His ex Servis Dei alii senes erant, alii viri mediae aetatis, pars vero

nondum viginti annos nata: imparibus iudiciis pluribusque vexationibus,

duris iniustisque carceribus et ignominiae multitudinis contra sacerdotes et

Ecclesiam ludibrii aliter alii subiecti sunt. Caedes autem in eorum vitam ex

nihilo haud obrepsit, sed iugi sacrilegiorum iniuriarumque et incursionum

copia praecessa est, quae eo modo pertinebat, ut verum atrocitatis tem-

pus instauraret: mors sacerdotum religiosorumque ab asseclis quibusdam

peculiarium opinionum illata omnem singulorum proprietatem maxime de-

negantium summamque rei publicae licentiam foventium ac secretis masso-

num societatibus adhaerentibus, qui memoriae ipsius catholicae Ecclesiae

ex universa paeninsula hiberica adusque vestigia abolere omnia professe ac

plane contendebant. Ad haec, quae diaboli quasi malitiam simulare videntur,

ordo, ut dicatur, politicus conflatus est actibus discriminantibus et feris

facinoribus usque ad rabiem hostilem signatus.

Ratio autem una, qua Servi Dei summatim atque iniuste capitis damnati

sunt, tantum eorum religiosorum status fuit. Promissionibus minisque nihil

indulgentes, Patres hi e Congregatione Missionis, plane conscii se ad mortem

esse adituros, vere heroico modo genuinam spiritualitatem suam professi

sunt, benignitatem animi, simplicitatem et sollicitudinem ministerii, quibus

iam in vita insigniti erant et ad summum testimonium parati sunt, chris-

tiani moris etiam inter extremas angustias magnum praebentes exemplum.

Quorum Servorum Dei vita et opera brevi, qui sequitur, indiculo per-

stringitur:

1. Pater Fortunatus Velasco Tobar, presbyter, qui tamquam praeses huic

martyrum catervae praeponi potest, die 1 mensis Iunii anno 1906 in vico Tradajos

prope Burgum natus, vota perpetua, privata et privilegiata anno 1925 professus

est et die 11 mensis Octobris anno 1931 presbyteratu auctus. Ad Collegium Insti-

tuti Teruelense primum destinatus, ad communitatem Alcorisae prope Terulium

missus est, ut institutoris fungeretur munere. Bonus et hilaris, gratus et favo-

rabilis universo populo erat. Cum nocte diei 28 mensis Iulii anno 1936 ap-

prehensus esset, populus persecutores cohibuit quominus eum in libertatem

restituerent. Qui autem die 22 consecuti mensis Augusti in vicum regressi