65. In Commemoratione Defunctorum.

1. Pro cunctis fidelibus
In te quiescentibus
Te precamur, Domine,

2 a. Ut eorum animas
A tormentis adimas
Emptas tuo sanguine.

2 b. Miserere miseris,
Dum judex adveneris
Stricto sub examine.

3 a. Non secundum merita
Judices praeterita,
Sed da locum veniae.

3 b. Plus est necessaria
Reis indulgentia

Quam rigor justitiae.

4 a. Sicut cervus properat
Et fontes desiderat,
Dum eum exasperat
Metus mortis anxiae,

4 b. Sic anima cupiens
Tendit ad te sitiens,
Qui es indeficiens
Fons misericordiae.

5 a. Hujus rivi
Fontis vivi
Nos fecundent
Et emundent
A peccati sanie,

5 b. Ut peccatis
Expurgatis
Nos absolvat
Nec revolvat,

Quae gesta sunt impie.

6 a. Jesu, qui es salutans
Et salvator nuncupans,
Cui miserere proprium,
Exple tuum officium.

6 b. Miseris propitieris

Nec peccata recorderis,
Nec inde redde mutuum
Sed dele in perpetuum.

7 a. Sint peccata
Condonata,
Et reatus
Sit mundatus

Tua. Christe, gratia,

7 b. Ut antiquus
Inimicus
Confundatur
Et vincatur

Data reis venia.

8 a. In tremenda die lrae
Non permittas nos perire,
Sed defunctis
Vitae cunctis

Des aeterna gaudia.

8 b. Sancti Dei, subvenite,
Regni portas aperite,
Ut intremus
Et regnemus

Vobiscum in gloria.