66. In Commemoratione niortnornm.

la. De profundis

ad te clamantium,
Pie Deus,

exaudi gemitum
Nec mensuram

observes criminum,
Ut perferri
possit judicium,
Pie Deus.

1b. Consolator

dolentis animae
Ac lnoestorum

vere paraclite,
Quod promittis

et ex hoc nomine,
Ne differas

implere, Domine
pie Deus.

2 a. Jesu bone,

comple quod dixeras,
Ne sit in te

vox cassa nominis,
Te praesertim

cum ipse dixeris
Pro salvandis
venisse miseris,
Jesu bone.

2 b. Fletu Petri

trina negatio
Est deleta

tam brevi spatio
Et latronis

sera confessio
Paradisi potita gaudio,

Jesu bone.

3 a. Sumus quidem peccatores
Sed te tamen non negantes,
Peccatores licet simus
Te confessi semper sumus.

3 b. Confitentes nomen Christi
Ex quo sumus insigniti,
Christiani ex te quoque
Gaudeamus nos fuisse.

4 a. Nomen tuum quod unguentum
Sonat in nobis infusum,
Post infusum vinum plagis
Ut fomentum lenitatis.

4b. Non nobis, Christe, non nobis
Sed nomini tuo dabis
Gloriam nostri misertus,
A quo nuncupati sumus.

5 a. Ad medendum

contritis animo
Descendisti
patris imperio.

5 b. Sicut liquit,

non necessarium
Sanis esse

dixisti medicum.

6 a. Poenitentum

placet contritio
Infirmorum
et supplicatio.

6 b. Ubi major

urget anxietas,
Major opis
inest necessitas.

7 a. Quodsi, pater, nos abjicis,
Audi matrem pro filiis,
Prosint preces ecclesiae,
Quod non merentur singulae.

7 b. Illa mater, tu pater es,
Illa sponsa, tu sponsus es,
Hujus preces si respuis,
Cunctos extra spem deseris.

8 a. Matris attende merita,
Patris in te sunt viscera,
Sicut ille de prodigo
Sermo promittit filio.

8 b. Ibi fratris susceptio
Fratris est indignatio,
His sunt fratres pro fratribus
In hostiis et precibus.

9 a. Vae, vae nobis miseris
Sero poenitentibus,
Et pro negligentiis
Tarde jam gementibus.

9 b. Si nos, pater, abjicis,

Qui est, qui suscipiat,
Aut si nos persequeris,
Quis est, qui subveniat.

10 a. Heu, heu Domine,

Quod creati fuimus,
Si sit indigentiae
nobis clausus aditus.

10 b. Miseretur filiis

Pater post flagitia,
Nemo tibi similis
In misericordia.

11a. Miserere, miserere,
Miserere nostri,

11b. Summe pater, summi patris
Spiritus et filii.

12 a. Advocatus apud patrem
Noster adsis, Christe,

12 b. Postulator et pro nobis,
Spiritus, adsiste.

13 a. Ad hoc ambo missi mundo
fuistis a patre,

13b. Missionis in noe vestrae
Summam nunc implete.

14 a. Collocati in supremis
Sint defuncti isti,

14 b. Nil in poenis aut tormentis
Patiantur triste.