Acta Congregationum 809

adeo gravior recurrit, ut nova chirurgica sectione opus esset, in qua severa

pulsus cordis evenit cessatio in quartam partem horae amplius protracta.

Medici eorumque ministri omnimodis caverunt, ut aptas infirmo curas pro-

viderent, quibus spiritus ad corpus restitueretur, sed condiciones aegroti in

peius ruerunt et prognosis valde infausta dicta est quoad vitam.

Tantis in difficilibus adiunctis, Soror quaedam eiusdem Servae Dei Con-

gregationis, quae gravissimae aegroti salutis certior facta erat, ad divinum

ferventer confugere statuerunt auxilium, ut per Venerabilis Servae Dei in-

tercessionem valetudinis infirmi a Domino impetrarent sanationem. Ad cuius

orationes sociae quaedam Sorores Scalabrinianae et propinqui adhaeserunt

aegroti, qui, in loculamentum valetudinarii intensivis curationibus sepositum

advectus, repente et ex inopinato egregii profectus normalium cordis func-

tionum exhibere cepit signa, breviori sanationis interposito tempore quam

communi curationis itinere, nec acerbae eius infirmitatis exhibuit reliqua.

Continuatio temporis clarissime patuit, sicut et nexus inter invocationem

Venerabilis Servae Dei et huius viri sanationem, qui exinde optima gavisus

est valetudine normalesque vitae consuetudines gerit.

De hac mira habita sanatione apud Curiam Episcopalem Portalegrensem

a die 7 mensis Aprilis anno 1999 ad diem 20 mensis Iulii anno 2000 Inquisitio

dioecesana celebrata est, cuius auctoritas et vis iuridica a Congregatione de

Causis Sanctorum Decreto diei 16 mensis Novembris anno 2001 probatae

sunt. Acta dein collecta examini et iudicio Dicasterii Medicorum Collegium

subiecta sunt, quod in Sessione diei 9 mensis Februarii anno 2012 sanatio-

nem rapidam, completam et duraturam, necnon inexplicabilem secundum

hodiernam scientiam medicam fuisse affìrmavit. Die 14 mensis Februarii

anno 2013, Congressus Peculiaris Consultorum Theologorum prospero cum

exitu factus est ac, die 24 mensis Septembris eiusdem anni, Sessio Ordinaria

Patrum Cardinalium et Episcoporum, cui egomet ipse Angelus Cardinalis

Amato praefui, et in utroque coetu sive Consultorum sive Cardinalium et

Episcoporum, posito dubio an de miraculo divinitus patrato constaret, res-

ponsum affirmativum prolatum est.

Facta demum de hisce omnibus rebus Summo Pontifici Francisco per

subscriptum Cardinalem Praefectum accurata relatione, Sanctitas Sua vota

Congregationis de Causis Sanctorum excipiens rataque habens, hodierno die

declaravit: Constare de miraculo a Deo patrato per intercessionem Venerabi-

lis Servae Dei Assumptae Marchetti, confundatricis Congregationis Sororum