67. Prosa Dominicalis.

1. Fraterna gratanter
nunc canat tuba.

2 a. Laudes promat
Dominoque jubilet
voce praecelsa.

2b. Grates pangat,

modulos accommodet
mente devota.

3 a. Cor unum atque anima
unica

semper gubernet
fovens caritate nos integra,
pace benigna.

3 b. Ac sicut chorus concinit
unicus,
ita collata

fide sit corde salus credita,
ore confessa.

4 a. Ergo gaudenter
Domino concinat
concio nostra,

4 b. Laudando Christum
exprimat talia
modulatis ita:

5 a. Te decet honor
ac potestas celsa,
Te fortitudo,
virtus decet clara,
gloria magnifica.

5 b. Te laudat ovans
coelum, mare, terra,
Te corda nostra
ratione freta
jussa per angelica.

6 a. Assumas

haec modo, quaesumus,
quae reddimus, vota.

6 b. Conjungas

haec vota supeiis
te resonantia.

7 a. Adnectens

cum quorum vocibus
organa nostra,

7 b. Affectu

socies gaudia
te laudantia.

8 a. Ut vita sit haec concors,
opera
rege nostra,

8 b. Tradendo nobis post haec
munera
perennia

9. In saeculorum saecula.